Alimahuge Vidhun - Ep 5

މަންޒަރުދެކެން އައިސްތިބި މީހުން މި މަންޒަރު ބަލަނީ ޝައުޤާއެކުގައެވެ. އެމީހުން އިއްޔެ ދުށް ދުވަހަށްވުރެ މިއަދު ކުލަގަދައެވެ. އެމީހުން އިއްޔެ އެހި އަޑުތަކަށްވުރެ މިރޭ އިވޭ އަޑުތައް ތަފާތުވާނެކަން ޔަޤީނެވެ. އެކަމަކު މިވަނީ ކީއްކަން އެމީހުންނަށް ބައެއްފަހަރަށް ނުވިސްނޭތީ ކަންބޮޑުވެފައި ތިބި މީހުންވެސް އޭގެ ތެރޭގައި ހިމެނެއެވެ. މިދާ ގޮތުން ދާ ކަމަށްވާނަމަ ރާއްޖޭގެ ސިޔާސީ މަސްރަޙް ކުރިއަށް އޮތް ދެތިން މަހެއްގެ ތެރޭގައި އޮންނާނެ ގޮތް އެމީހުންނަށް އަންދާޒާ ކުރަންވެސް ބައެއްފަހަރަށް ދަތިވެފައި ވެއެވެ.

ކޮންމެއަކަސް، ދިވެހިންގެ މެދުގައި އެހާ ޢާއްމު ނޫން ސެންޓެއްގެ ވަހުން މުޅި މާޙައުލު އެއްވަސްވެފައިވާ ފަދައެވެ. "ސިޔާސަތު" ގެ ވަހެވެ. މީގެ ކުރިން ދިވެހިން އެހާ ބޮޑަށް ނުދަންނަ މި ބަހަކީ މިހާރު އަތަރަކަށް ވެ ނިމިއްޖެއެވެ. އެ ބަހުގެ ފުޅާ ކަމާއި މާނަ ފުންކަން ކުރިއަށް އޮތްތަނުގައި އަދިވެސް ބޮޑަށް އެނގިގެން ދާނެކަމުގެ ޔަޤީންކަމަކީ އެންމެންނަށްވެސް ލިބިފައި އޮތް ޔަޤީން ކަމެކެވެ.

"ވަޑައިގެން ތިއްބެވި އެންމެހާ ބޭފުޅުން...ޑީޕީގެ އިސް ލީޑަރު އަލީ ކަރީމް ، އޭކޭ، ހޫނު ތަރުޙީބެއް..." ރޭގެ ޙަފްލާ ހުށަހަޅައިދޭން ހަމަޖެހިފައިވާ ފަރާތްކަމަށްވާ ޔަޒީދުގެ އަޑުން މާހައުލު ގުގުމައިގެން ދިއުމާއެކު ދެން ފެނުނީ ޑީޕީގެ އިސް ބޭފުޅުން ސްޓޭޖްމައްޗަށް އެރި ތަނެވެ.

Alimahuge Vidhun - Ep 4

ޙަޔާތުގައި އުފުލަން ޖެހިފައިވާ ހުރިހާ ބުރައަކާއި ހިތާމައަކާއި ދުރަށް ދިއުމަށްޓަކައި ހުރިހާވެސް ހިތްވަރަކާއި ބާރަކީ އެދެމަފިރިންގެ ދެމެދުގައި އޮންނަ އެކުވެރިކަމާއި ގާތްކަމާއި ލޯތްބެވެ.

މިއަދު މިހެންވިޔަސް މާދަމައަށް އެމީހުން އުއްމީދުކުރަނީ މިއަށްވުރެ ރަނގަޅުވާނެކަމަށެވެ.

** ** ** ** **

ނިމިގެން އެދިޔައީ އެތަކެއް ބަޔެއްގެ ޙަޔާތުން އެންމެ ދުވަހެކެވެ.

ދެންވެސް ވަގުތު ދިޔައީ ކުރިޔަށެވެ. ހުއްޓުމެއް ނެތެވެ.

ދިރިއުޅުން މި އަށްވުރެ އުފާވެރި ގޮތަކަށް ބަދަލުވާނެ ނަމައޭ ބުނެ ބުނެ ތިބި އެތައް ބަޔެއްގެ ޙަޔާތުންވެސް ދުވަސްތަކާއި މަސްތައް ވޭތުވަމުން ދިޔައެވެ. ވަގުތު ދިގުވެ ވަގުތުން ކުރާނެ މާ ބޮޑު ކަމެއް ނޭނގިގެން، ދެއްވާފައި ހުރި ނިޢުމަތްތަކުގެ ބޭނުން ނަހަމަ ގޮތުގައި ކުރަމުން ދިޔަ މީހުންގެ ދިރިއުޅުންވެސް އެގޮތުގައި ކުރިއަށް ގޮސް ޒަމާންތައް ފަސްދީ ހިނގައްޖެއެވެ.

Alimahuge Vidhun - Ep 3

"ހޫމް....ދެން އެންމެ ރަނގަޅޭ. ކާލާ ކާލާ. އަން...މިހިރީ ސައިތަށިވެސް." ހޫނު ސައިތަށި ގާތްކޮށްލަދީފައި ހިނގައިގަތްއިރު އާސިފާއަށްވެސް ހުރެވުނީ ހިނިތުންވެއެވެ. އެކަމުން އަހުމަދުއަށް ހިތްހަމަޖެހުމެއް ލިބުނެވެ.

ނަމަވެސް އޭގެ ދެވަނަ ހިނދުކޮޅުގައި ބަތްތަށްޓާއި ދިމާލަށް އެނބުރުނުއިރު އަހުމަދުގެ މޫނުމަތިން އަނެއްކާވެސް ފެންނަންފެށީ ފިކުރުބޮޑުވެފައި ހުރި ގޮތެކެވެ.

"ބައްޕާ...." މިއަޑަށް އަހުމަދު ބަލާލިއިރު ޕަރީއެއްފަދަ ރީތި އޭނަގެ އަންހެންދަރިފުޅު ހުރީ ކާކޮޓަރީގެ ދޮރުމަތީގައެވެ. ބައްޕަ ނުފެންނައިރުވެސް ބައްޕައާއި ދިމާލަށް ހިނިތުންވެފައެވެ.

Alimahuge Vidhun - Ep 2

އިންސާނުން ރާވާ ރޭވުންތައް އެއާއި އެއްގޮތަށް ނުހިނގާ އިދިކޮޅަށް ދަނީ ކިތައް ފަހަރު ހެއްޔެވެ؟ އެފަދަ ވަގުތު ތަކުގައި އަމިއްލަ ނަފްސު ކުށްވެރި ކުރުމުގެ ބަދަލުގައި ހެއްދެވި ފަރާތާއި ޝަކުވާ ކުރަނީ ކީއްވެގެން ހެއްޔެވެ؟ އުއްމީދު ކުރާ ކޮންމެ ކަމަކީ ފެންނަ ހުވަފެނެއްފަދަ ކަމެއްކަން އަހަރެމެންނަށް ހަމަ ނޭނގެނީ ހެއްޔެވެ؟ ހޭލެވުމާއިއެކު އެ ހުވަފެނުންވެސް އެ ހޭލެވުނީ ކަމާއި ކުރިމަތިން ހާމަ ވަނީ ހަގީގަތްކަން ނުވިސްނެނީ ހެއްޔެވެ؟ ފުރަތަމަ ދުވަހުވެސް ހުވަފެނަކީ ހަގީގަތެއް ނޫން ކަމަށް ވިސްނުނު ނަމަ ޙަގީގީ ދުނިޔޭގައި އެކަން ފުރިހަމަ ނުވުމުން ޝަކުވާ ކުރާކަށް ނުޖެހުނީސް ނޫންހެއްޔެވެ. ފަހުމީއާއިއެކު އުފާވެރި ދުވަސްތަކެއްއުޅެ އެކުގައި މުސްކުޅިވާން އޭނާ ކުރި އުއްމީދުވެގެން ދިޔައީ އެފަދަ ހުވަފެނަކަށެވެ.

Alimahuge Vidhun - Ep 1

(މި ވާހަކައަކީ 26.02.2011 ގައި މުރާސިލްގައި އަޅުގަނޑު ޕަބްލިޝްކުރަން ފެށި "ފަތިސްތަރި" ގެ 3 ވަނަ ވާހަކައެވެ. ދިގު މުއްދަތަކަށް މެދުކެނޑުނު ނަމަވެސް މި ވާހަކަ އެއްކޮށް ގެނެސްދިނުމަށް ގަސްތުކޮށްފައިވާތީ، އޭރު ޕަބްލިޝްކުރެވިފައި ހުރި ބައި،އަލުން މި ގެނެސްދެނީ ތިޔަ ލޮބުވެތި ކިއުންތެރިންގެ ހަނދާން އާކޮށްލަދިނުމުގެ ގޮތުންނެވެ.
ކިއުންތެރިންގެ ތާއީދާއި ބިނާކުރަނިވި ފާޑުކިއުމަށް އުއްމީދު ކުރަމެވެ.

އިރުއޮއްސެން ދަނީއެވެ. ހަވީރުގެ އެންމެ ފަހު ދަޅަތައް ދުނިޔެއަށް އަލިކުރަމުން ދެއެވެ. ރަށުގެ ކޮންމެ ދިމާލަކަށް ބަލާލިޔަސް އުޑުމަތިން ފެންނަނީ ރަންކުލައާއި އޮރެންޖް ކުލައާއި އެކުވެގެން އުފެދިފައިވާ ރީތި ކުލަވަރެކެވެ. އެކަމަކު ބަލާލާކަށް އުނދަގޫވާކަހަލަ ގޮތެއް ނެތެވެ. މުޅި އުޑުމަތި ވިލާތަކުން ބައްދާލާފައި އޮތީ މުޅި ދުވަހަކީވެސް ވިއްސާރަ ފާޑަކަށް އޮތް ދުވަހެއް ވީމަކަމަށްވެދާނެއެވެ. އެހެންކަމުން އޮއްސެންދާ އިރުގެ ދަޅަތައް އެ ވިލާތަކަށް އެޅިފައި ހުރިއިރު ފެންނަނީ ވަރަށްވެސް ރީތި ހިތްގައިމު އަދި ހުވަފެނީ ގޮތެކެވެ. ރީތި ރީތި ހަވީރެކެވެ. 

Best Friend

ބެސްޓް ފްރެންޑް

މިއީ ޚާއްޞަ ރެއެކެވެ. ބޮޑު ރެއެކެވެ.

ކައިވެންޏަށް ފަސް އަހަރު ފުރުމުގެ ގޮތުން މިރޭ ގޭގައި އޮތް ޕާޓީއަށް ތައްޔާރު ވުމުގައި ރާނިޔާ ހޭބޯ ނާރާ އުޅެނީ ހެނދުނުއްސުރެންނެވެ. ބަދިގޭގައި އަވަދިނެތި އުޅެނިކޮށް އައިސް ވަނީ ނީނާއެވެ. ސްކޫލް ދައުރުއްސުރެންވެސް މިހާތަނަށް ދެގޮތެއް ނުވާ އެންމެ ގާތް އެކުވެރިޔާ ނީނާއެވެ.

"ސާބަހޭ...އަދި ކިރިޔާ ތި ދައްކާލީ..." ކޮށާފައި ހުރި ތަރުކާރީކޮޅު ތެއްޔަށް އަޅާލަމުން ރާނިޔާ ދައްކާލީ ރުޅި މޫނެކެވެ. ގާތް ދެ އެކުވެރިންނެވެ. އެހެންނަމަވެސް އުޑާބިމާހާ ތަފާތޭވެސް ފަހަރެއްގަ ބުނެވިދާނެއެވެ.

Edhevunu Thadhu - Ep 2

ކުރީ ދުވަހުގެ ބަޔާއި ގުޅޭ.....

އެހެންނަމަވެސް އެއީ ކައިވެނީގެ ހުރިހާ ކަމެއް ނިމި ލޯންޗެއްގައި ހުޅުމާލެއަށް އައުމަށް އެދެމީހުން ފުރި ވަގުތާއި ހަމައަށެވެ. ލޯންޗާއި ހިސާބުންވެސް ޝާންއަށް ބަދަލެއް އައިސްފައިވާކަން އޭނައަށް ފާހަގަ ކުރެވުނެވެ. އެކަމާއިބެހޭ ގޮތުން އެތަކެއްފަހަރު ޝާން އާއި ސުވާލުވެސް ކުރެވުނެވެ. ކަމެއް ނުވާ ކަމަށް އެތަކެއް ޖަވާބު ލިބުމުން، ޚުދު އޭނައަށްވެސް އެ ޖަވާބު ގަބޫލުކުރެވުނީއެވެ. ލޯންޗް އައިސް ހުޅުމާލޭ ފަޅަށް ވަދެ، އޭގެ ފަހުން އެމީހުން ބަލާ އައުމަށް ބުނެފައިވާ ޓެކްސީ އައިސް، އެ ޓެކްސީގައި ގެއާއި ހަމައަށް ދެވެންދެން ހަނުހިމޭނުން ޝާން  ހުރުމުންވެސް އޭނައަށް ބެލެވުނީ އެއީ ޝާންގެ ގޮތް ކަމަށެވެ. އޭނައަށް އަދި ޝާން ދަސްވާން ވަގުތު ބޭނުންވާނެއޭ ހިތާ ހިތާ ނިންމުނެވެ.  

އެހެންނަމަވެސް އެރޭ އޭނަ ގޮވައިގެން އައިސް ގެއަށް ވަދެފައި....