ފޯންކޯލް - 83 ވަނަ ބައި (އެންމެ ފަހު ބައި)

"ނައު ސްމައިލް...." ފައިމަތީގައި އިށީނދެއިން އިނާގެ ހަށިގަނޑުގައި ދެއަތުން ވަށާލާ، އަދިވެސް ބޮޑަށް ނަވީން ކައިރިކޮށްލިއެވެ. އޭނަގެ މޫނަށް އިނާގެ ނޭވާގެ ބީހުން ލިބޭހާ ކައިރިއަށެވެ.

އިނާވެސް އޭނަގެ ދެއަތުގެ ހާރުން ނަވީންގެ ކަރުވަށާލިއެވެ. ދެހަށިގަނޑުގައި ޖަހާ ވިންދުގެ އިހްސާސް އެކަކު އަނެކަކަށް އިހްސާސް ކުރެވޭހާ މަސްހުނިވެލީ، އެއްވެސް ހުރަހެއް އެއްވެސް މަޖްބޫރެއް ނެތިއެވެ.

އޭގެ ދެ ދުވަސްފަހުން، ޖެހިގެން އައި ބުރާސްފަތި ދުވަހުގެ މެންދުރުފަހެވެ.

ފޯންކޯލް - 82 ވަނަ ބައި

ނަވީންގެ އަނެއް އަތްވަނީ އިނާގެ އަތުގެ އިނގިލިތަކާ ލާމެހިފައެވެ. ހިނދުކޮޅަކަށްވެސް ވަކިވާން ބޭނުން ނުވާ ކަމުގެ ރަމްޒެއްގެ ގޮތުންނެވެ. މިއަދާއި ހަމައަށް އެކުގައި އާދެވުނު ގޮތަށް، ދެން އޮތްތަންވެސް، އެކުގައި ތަޙައްމަލު ކުރާނަމޭ ބުނާ ފަދައަކުންނެވެ. ތިބާ ހުރެއްޖެނަމަ، ދުނިޔޭގެ ކިތަންމެ ފުން ކަނޑެއްވެސް ހުރަސްކުރެވޭތޯ މަސައްކަތް ކުރާނަމޭ، އެކަކު އަނެކަކަށް ބުނާ ކަހަލައެވެ. އެންމެ ފަހު ވަގުތާ ހަމައަށްވެސް އުއްމީދު ނަގައެއް ނުލާނަމޭ ބުނަމުންނެވެ.

ވާހަކަ ތަކަކުން ނޫނެވެ. ވާ އަޙުދު ތަކަކާއި ވަޢުދުތަކަކުންވެސް ނޫނެވެ. ހިމޭންކަމުގެ ބަސް މޮށުމުންނެވެ.

ފޯން ކޯލް - 81 ވަނަ ބައި

"ގެއަށް ދާން.....ބައްޕަ ބުނީ އިނާއާއި އަހަރެން ދެމީހުން އަންނާށޭ..." ބައްޕަ ގުޅާފަ ބުނި ގޮތުން ނަވީނަށް ލިބުނު ހާސްކަމުގައި، ކުރިން އިނާ ދާން ޖެހޭކަމެއް ބުނެވިފައި ނެތެވެ. ތައްޔާރުވާށޭ ބުނުމުން އިނާ އެހާ ހައިރާންވީ އެހެންވެގެންނެވެ.

"ކިހިނެއްވީ އަނެއްކާ....؟" އިނާއަށް އަނެއްކާވެސް ކުރެވުނީ ސުވާލެކެވެ.

އާނއެކެވެ. ނުކުރެވޭނީ ކީއްވެހެއްޔެވެ؟ އޭނައަކީ ނަވީންގެ މަންމަ ރުހޭ އަންހެންކުއްޖެއް ނޫނެވެ. ބައްޕަގެ ގޮތެއް ނޭނގެއެވެ. އެހެން ނަމަވެސް މިއަދާއި ހަމައަށްވެސް، މި ކައިވެނި ކުރެވުނު ފަހުން އެގެއަށް ނަވީން އޭނަ ގެންގޮސްފައި ނުވެއެވެ. އަދި ނަވީންގެ މަންމަވެސް ބައްޕަވެސް، އެގެއަށް އިނާ ގެނައުމަށްވެސް ބުނެފައި ނުވެއެވެ. ވީއިރު.........؟

ފޯންކޯލް - 80 ވަނަ ބައި

"މިފަހަރު ރަށަށް ދާންވާނީ އިނާ އަމިއްލައަށް އިސްނަގައިގެން އެގެއަށް ގޮސް ނަވީން މަންމައާއި ވާހަކަ ދައްކާފަ އިނގޭ. އާއިލީ ގުޅުން ރަނގަޅު ކުރެވޭތޯ ކޮންމެހެންވެސް މަސައްކަތް ކުރަން ޖެހޭނެ މިހާރު." އެންމެ ފަހަށް ގެއިން ނުކުންނަމުންވެސް ދިލްމާ ދިނީ ނަސޭހަތެކެވެ.

ވަކި އެއްޗެއް ނުބުނެ އާނއެކޭ ބުނުމުގެ ގޮތުން އިނާ ބޯ ޖަހާލިއެވެ.

"އަދި ބުނަން....ކޯޓަށް ނަވީން ހޯދުމުގެކުރިން އެ ފޯމް ކެންސަލް ކުރުވާތި..." އެއާއެކު ދެމީހުންގެ ގާތަށްވެސް ނުލަފާ ހިންޏެއް އައެވެ.

ފޯންކޯލް - 79 ވަނަ ބައި

އިނާ އެނބުރި އައުމުން ކުރެވޭ ފޮނި އިހްސާސުގައި އިނާއާއި ދޭތެރޭ ވިސްނަމުން، އުފާވެރި މޫޑެއްގައި ހުރެގެންގޮސް ، ފާހާނާގެ ޝަވަރަށް ދޫކޮށްލާފައި، އޭގެން އޮހޭ ބޮޑެތި ބޮޑެތި ފެންތިކިތަކުގެ ދަށުގައި ނަވީން ހުއްޓިއްޖެއެވެ. އަލި ނޫކުލައާއި އަލި ފެހިކުލައާއި އަލި ރީނދޫކުލައިން، އެކިފަހަރު އެކިކުލައިން ދިއްލެމުންދާ ޝަވަރުން އޮހޭ ފެންތަކުގެ ދަށުގައި އިސް އޮބައިގެން ހުރިއިރު ނަވީންގެ މޫނުމަތީގައި ވަނީ މީގެ ކުރިން ދުވަހަކުވެސް ނުއުފެދޭފަދަ ހިނިތުންވުމެއް އުފެދިފައެވެ. ކުރިމައްޗަށް ދެއަތް ދަމާލައި ޓައިލްސް ފާރުގައި އަތް ޖައްސައިގެން ދެލޯމަރާލައިގެން ހުރިއިރު، ހިތް އެދެނީ އަދިވެސް މިވަގުތުވެސް، މިތަނުގައި  އިނާއާއެކުގައި ވުމަށެވެ. އިނާ ހުރުމަށެވެ.

ފެންވަރާ ތައްޔާރުވެލައިގެން ނަވީން ދިޔައީ އޭނަގެ މަންމަ ހޯދުމަށެވެ. މަންމަ އުޅެނީ އޭރު ކޮޓަރީގައެވެ. މަންމަގެ ހުއްދަ ލިބިގެން ނަވީން ކޮޓަރިއަށް ވަނެވެ.

ފޯންކޯލް - 78 ވަނަ ބައި

އިނާ އުރާލައިގެން ހުރެ ނަވީންވެސް ހެނީއެވެ. އެދެމަފިރިން އުފަލުން ފޮޅެނީއެވެ. ތިބެވުނު ތަނަކާއި ވަގުތަކަށް ނަވީންގެ އެއްވެސް ސަމާލުކަމެއް ނުދެވެއެވެ. ދުނިޔޭގައި ތިބި އެންމެ އުފާވެރި ދެމަފިރިންފަދައެވެ. އެދެމީހުން އެކަނި އުޅޭ ޢާލަމެއްގައި ތިބެވުނު ފަދައެވެ.

އެހެންނަމަވެސް އެއީ ކުޑަ ވަގުތުކޮޅަކަށެވެ. އެކޮޓަރީގެ ދޮރުގައި މީހަކު ޓަކި ޖަހަން ފެށި އަޑަށް އިނާއާއި ނަވީންގެ ހުނުން ހުއްޓިއްޖެއެވެ. މަޑުމަޑުން އިނާ ބިންމަތީގައި ބަހައްޓާފައި ނަވީން ހިންދެމިލިއެވެ. އިނާވެސް އަވަސް އަވަހަށް އިސްތަށިގަނޑާއި ހެދުން ރީތިކޮށްލިއެވެ. ހެމުން ހިނިތުންވަމުންނެވެ. ބަދަލުކުރެވެމުން ދިޔަ މާނަފުން ނަޒަރަކުން ދެމީހުންވެސް އެކަކު އަނެކަކަށް ބަލަމުންނެވެ.

ފޯންކޯލް - 77 ވަނަ ބައި

"އަހަރެންގެ ފޯން ކޮބާ...؟" ދިލްމާމެންނާއެކު އިން އިރު އެތާ ބާއްވާފައި އާދެވުނު އޭނަގެ މޮބައިލް ފޯން މަތިން ނަވީން ކުއްލިއަކަށް ހަނދާން ވިއެވެ.

"އަންނާނަން ހިފައިގެން....ދިލްމާމެންކައިރީ ކަމަށްވާނީ..." އިނާގެ ހިތުގެ ޙާލު އެއްވެސް ވަރަކަށް ނޭނގި ހުރި ނަވީން އިނާގެ ކޮނޑުގައި ފިރުމާލުމަށްފަހު ފޯން ބަލާ ދާން ހިނގައިގަތެވެ.

ފޯންކޯލް - 76 ވަނަ ބައި

 "ދިލްމާއަށް ގަބޫލުނުކުރެވެނީތަ އަހަރެން މި ދެއްކި ވާހަކަތައް؟" ހުސެންގެ އެދުމަށް ދިލްމާ އެއްޗެއް ބުނުމުގެ ކުރިން އެކަން ޔަގީންކުރަން ނަވީން ބޭނުން ވިއެވެ. އިނާގެ ހިތް "އަލުން ފަތަޙަކުރުމަށް" ޓަކައި ދިލްމާގެ ޔަގީންކަމާއި އިތުބާރު އޭނައަށް ވަރަށް މުހިއްމު ވެއްޖެއެވެ.

"އުނހުނ....." ކުރު ޖަވާބަކުން ދިލްމާ ނިންމާލިއެވެ.

"އެންމެ ރަނގަޅު. އެހެންވެއްޖިއްޔާ އަހަންނަށް ދެވެންވާއިރަށް އިނާއަށް ވިސްނައިދޭންވީނު؟" ނަވީން އުފާވިއެވެ. ދިލްމާ ގަބޫލުކުރީތީއެވެ. އުއްމީދެއް ލިބުނެވެ. އިނާއަށް ވިސްނައިދޭނެ މީހަކު ވީތީއެވެ.

"ނަވީން އަމިއްލައަށް ކިޔައިދިނަސް އިނާ ގަބޫލުކުރާނެ..." ފުރަތަމަ ފަހަރަށް ދިލްމާ ހިނިތުންވެލިއެވެ.

"ތިކަން ކުރާނެ ގޮތެކޭ ނޭނގެނީ...." ޙަގީގަތުގަވެސް އޭނައަށް ނޭނގެނީ އެކަމެވެ.

ފޯންކޯލް - 75 ވަނަ ބައި

ފޯންކޯލް – 75 ވަނަ ބައި...

ބައްޕަ ދިއުމުން ނަވީން އަނެއްކާވެސް އިށީނީއެވެ. ދޮރުމަތީގައި މަންމަ ހުރިކަން އެނގިހުރެމެ ނަވީން އިށީނީ ގަސްތުގައި މަންމައަށް ފުރަގަސްވާ ގޮތަށެވެ.

މަންމައާއި ދައްކާނެ ވާހަކައެއް އޭނައަށް މިވަގުތު  ނޭނގެއެވެ.

މަންމައަށް ދޭނެ ޖަވާބެއްވެސް އޭނައަށް ނޭނގެއެވެ.

އޭނަ ދެކެ އިންތިހާއަށް ލޯބިވި، އެ އޯގާތެރި މަންމަގެ ހިތް އޭނައަށްޓަކައި އެހާ ކިލަނބުވި ގޮތެއް އޭނަގެ ވިސްނުމަކަށް ނާދެއެވެ. އަދި އަމުދުން މިވަގުތު އެކަމާ ވިސްނާކަށް އޭނަ ބޭނުމެއް ނޫނެވެ.

ފޯންކޯލް - 74 ވަނަ ބައި

އެހެންނަމަވެސް....

އެ ބައިގަޑި ފާއިތުވެގޮސް، އިތުރަށް ދިހަ މިނެޓްވެސް ހިނގައިފިއެވެ. އަދި ހަމަ ގޭގެ އެއްވެސް ފޯނެއް ރިންގުވި އަޑެއް ނީވެއެވެ.

ކަމެއްގެ އިންތިޒާރުގައި އިންނައިރު، ހަރަކާތްތައް އަވަސްވެ، އެއްތަނެއްގައި ހިމޭނުން އިނުމަށް އުނދަގޫ ވުމަކީ ޢާއްމު ކަމެކެވެ. ނަމަވެސް ހިތަށް ތަދުކުރުވާ އިންތިޒާރެއްގައި އިންއިރުވެސް ނަވީނަށް އެހެނެއް ނުވެއެވެ. ކުރެވޭ ހަމަ އެކަނި ޙަރަކާތަކީ، ތިރިން އައި އިރު ގެނައި ކުޑަ ފެންފުޅިން އެތިފޮދެއް ބޯލުމަށް އިރުއިރުކޮޅާ ކުރެވޭ ޙަރަކާތެވެ.

ފޯންކޯލް - 73 ވަނަ ބައި

"ވަރިއަށް އެދި މާދަމާ ސިޓީލާނެ ވާހަކަ ބުނެލަން ވެގެން މި ގުޅީ. " ކޮށި އަޑަކުން އެކޮޅުން ވާހަކަ ދެއްކީ އިނާކަން ނަވީންއަށް ޔަގީންވީ ދެނެވެ.

"އިނާ..........!!!......!!!"  އިނާ ބުނި އެއްޗެއް ނަވީނަށް އެއްގޮތަކަށްވެސް ނީވޭފަދައެވެ.

"އިނާތަ.......؟ އިނާ.....ކޮންތާކު ތިހިރީ....ކޮންތާކު؟ ބުނެބަލަ....ބަލާދަންތަ؟ ކޮންތާކަށް ދާންވީ....؟ އިނާ.....!!" ދެވަނަ ފަހަރަކު އިނާ އަނގައިން ނުބުނާއިރުވެސް، އެތަކެއް ސުވާލު އެއްފަހަރާ ނަވީނަށް ކުރެވުނެވެ. ޙަރަކާތްތަކުން އަލިމަނިކުއަށް ފެނުނީ، ހަމަ ދެންމެ ގެންގުޅުނު ޖަވާހިރެއް ބިންމައްޗަށް ވެއްޓުމުން އެ ދިޔަ ދިމާލެއް ނޭނގިގެން ވަށައިގެން އެނބުރޭ މީހެއްގޮތަށް ކޮޅަށް ތެދުވެފައި އެކި ކޮޅުކޮޅަށް ނަވީން އެނބުރޭ ތަނެވެ.

ފޯންކޯލް - 72 ވަނަ ބައި

ބައްޕަގެ އަޑު ފުރަތަމަ ފަހަރަށް އެހާ ބާރަށް އިވުމުން ނަވީން އަށް ކަންބޮޑުވުމެއް ލިބުނެވެ. އަނެއްކޮޅުން އަލިމަނިކު އާއި ކައިވެނިކޮށްގެން މިވީ 39 އަހަރުތެރޭގައި ދުވަހަކުވެސް އެފަދަ ގޮތަކަށް އޭނައާއި ވާހަކަ ދައްކާފައި ނުވާތީ، ނަޖްމާގެ ހިތް ބިރުން ވިރިއްޖެ ކަހަލައެވެ.

"މަންމާ.......؟؟"  ބައްޕަ އެ ބުނަނީ ކީކޭތޯ އަހާ ރާގުގަ ނަވީން ގޮވާލިއެވެ.

"ދަރިފުޅުގެ މަންމައަށް އެނގޭނެ ތި ހުރިހާ ކަމެއް. ލީނާ ތި ކުރިކަންތައްވެސް މަންމައަށް އެނގޭނެ." ނަޖްމާ އަނގައިން ނުބުނެ އިނުމަކުންވެސް، އެ ވާހަކަތައް މިއަދު ހުއްޓޭނެހެން ހިއެއް ނުވެއެވެ. މިއަދު އަލިމަނިކު އެ ހުންނެވީ ހަގީގަތް ކިތަންމެ ހަޑިވިޔަސް، ކުރިމަތިލާން ތައްޔާރަށެވެ. ދަރިފުޅުގެ ފަރާތުން ހިތްވަރު ލިބިގެންނެވެ.

ފޯންކޯލް - 71 ވަނަ ބައި

ފުރަތަމަ ވަގުތުވެސް އެ ވާހަކައާއި ބެހޭ ގޮތުން ސުވާލުކުރަން ހިނގައިގަންނަން ނަވީން އުޅުނެވެ. ނަމަވެސް ނަވީން ހުއްޓުވީ އޭނަގެ ދުރުވިސްނޭ ބައްޕަ އަލިމަނިކުއެވެ. ޚާލިދުގެ ފަރާތުން ހުރިހާ ވާހަކައެއް އެނގިފައި އޮތުމުން، ޒިޔާދުމެން ދައްކަމުން ދިޔަ ވާހަކައިގެ ދެން އަންނަ ބައިތަކުގަ ދައްކާނީ ކޮން ވާހަކައެއްކަން އަލިމަނިކުއަށް ރަނގަޅަށް އެނގޭތީއެވެ. މީހަކު ބުނެގެން ނަވީނަށް އެނގުމުގެ ބަދަލުގަ އެކަން ކުރި ދެމީހުންގެ އަނގައިން އެ ވާހަކަ ދައްކާ އަޑު ނަވީނަށް އިވުން ވަރަށް މުހިއްމުކަމަށް އަލިމަނިކުއަށް މާ ކުރިން ގަބޫލުކުރެވިފައި އޮވެމެ، އެގެއަށް އާދެވުނުއިރު އެ ވާހަކަ ދެކެވޭ އަޑު އިވުމަކީ އިއްތިފާގަކަށްވުމަށްވުރެ ބޮޑަށް އަލިމަނިކުއަށް ވީ އެއީ ރަހްމަތެއް ކަމަށެވެ.